檸檬可樂豬仔骨

"可口可樂"是我家中雪櫃必備飲料，用檸檬可樂炆豬仔骨(Baby Pork Rob)，豬仔骨肉質鬆軟，完全唔覺有可樂味，醬汁散發濃郁檸檬香，用來配法飽一流！

材料：
豬仔骨(Baby Pork Rob) 或豬肋骨 1條
可樂 1罐
檸檬 2個

洋蔥 1個(切絲)

蒜片 2粒(切片)

紅酒 1杯

清雞湯 適量

黄糖 1茶匙

海鹽 適量

黑胡椒 適量

辣椒粉 適量
中筋麵粉 2湯匙
百里香(Thyme) 1小束

月桂葉 2塊

1. 豬仔骨或豬肋骨室温解凍，洗淨，用廚房紙抹乾水份，撕去背面薄膜，切件，灑上海鹽、黑胡椒及辣椒粉醃約10分鐘，備用。

2. 檸檬洗淨，去皮去核切片，檸檬表皮(黃色部份)切絲。

3. 燒紅鑊中大火，下橄欖油及無鹽牛油，放下豬仔骨煎至表面金黄，盛起。

4. 原鑊，下洋蔥，中火炒至半透明，灑上黃糖，下蒜片炒香(約1分鐘)；轉大火，灑上紅酒煮至酒精揮發，灑上麵粉煮2分鐘，倒入可樂、檸檬片、檸檬絲、百里香及月桂葉煮滾，放入豬仔骨，加入適量清雞湯(剛浸過材料)，大火煮片刻(約5分鐘)，蓋上煲蓋轉中火煮20分鐘，熄火，不要打開煲蓋焗20分鐘，打開煲蓋，取出香草及豬仔骨；大火收煮至汁濃，調味，即成。

小貼士：

要用一般可樂，低糖可樂或無糖可樂並不適合，因為其中含人工甘味劑，遇熱後會變苦。